Sib l-Ankra!

Sib l-Ankra: Skopri l-Wirt ta’ taħt l-Ilma ta’ Malta

Qatt staqsejt lilek innifsek x’hemm taħt il-baħar ċar kristall ta’ Malta? F’Awwissu, ingħaqad magħna għal Sib l-Ankra, esperjenza unika tal-patrimonju li tgħaqqad l-avventura, l-arkeoloġija u l-konservazzjoni f’ġurnata waħda li ma tinsieha qatt.

Ogħdos fl-Istorja

Fil-21 ta’ Awwissu 2026, il-membri tal-pubbliku se jkollhom l-opportunità rari li jżuru sit arkeoloġiku taħt l-ilma fil-Bajja tal-Armier permezz ta’ sessjonijiet ta’ snorkelling bil-gwida bejn l-10:00 u t-15:00.

Il-parteċipanti se jingħaqdu ma’ gruppi żgħar ta’ 5–8 persunibiex żgur ikollhom esperjenza sigura, interattiva u personalizzata. It-tim esperjenzat tal-bugħaddasa tagħna se jiġi miegħek u se jiggwidak lejn is-sit immarkat taħt l-ilma. Se jisfidawk biex issib l-ankra filwaqt li titgħallem dwar is-sinifikat arkeoloġiku tagħha u l-istorja li tgħid dwar il-passat marittimu ta’ Malta.

Lest(a) biex tesplora l-istorja li hemm taħt il-mewġ? Ibbukkja postok u esperjenza l-arkeoloġija minn perspettiva kompletament ġdida.

Mhux Biss Esperjenza ta’ Snorkelling

Qabel ma jinżlu fl-ilma, il-parteċipanti se jattendu sessjoni qasira ta’ orjentazzjoni li se tintroduċi s-sit, l-importanza tiegħu, u l-qasam usa’ tal-arkeoloġija ta’ taħt l-ilma. Dan it-tagħrif se jgħinek tifhem aħjar dak li se tara taħt l-ilma u għaliex huwa importanti li nħarsu dawn is-siti.

Kemm jekk inti esperjenzat(a) fl-isnorkelling jew sempliċiment kurjuż(a) dwar il-patrimonju ta’ Malta, din hija l-opportunità tiegħek li tesperjenza l-passat b’mod tassew immersiv.

Tgħallem Kif Nipproteġu l-Passat Tagħna Taħt l-Ilma

L-esperjenza tkompli fuq l-art, fejn l-istaff tgħana se jkun qed jippreżenta artefatti arkeoloġiċi u materjali interpretattivi relatati mal-patrimonju kulturali ta’ taħt l-ilma ta’ Malta.

Il-viżitaturi se jkollhom l-opportunità li jitgħallmu dwar:

• L-importanza tal-preservazzjoni tas-siti arkeoloġiċi taħt l-ilma

• It-theddid ippreżentat mill-ħtif ta’ affarijiet mis-siti u l-interferenza irresponsabbli

• Ir-rwol tal-konservazzjoni fil-protezzjoni tal-patrimonju għall-ġenerazzjonijiet futuri

• Kif l-arkeoloġija ta’ taħt l-ilma tgħinna nifhmu l-istorja marittima għanja ta’ Malta

Ejja, staqsi l-mistoqsijiet u sir af kif kulħadd jista’ jagħtu sehmu biex inħarsu l-patrimonju komuni tagħna.

Niċċelebraw Stadju Importanti fil-Ħarsien tal-Patrimonju

Dan l-avveniment qed jittella’ taħt il-patroċinju tal-Kummissjoni Nazzjonali ta’ Malta għall-UNESCO u jfakkar il-25 anniversarju tal-Konvenzjoni tal-UNESCO tal-2001 dwar il-Protezzjoni tal-Wirt Kulturali ta’ Taħt l-Ilma u l-ħames anniversarju tar-ratifika ta’ din il-Konvenzjoni minn Malta.

Huwa opportunità mhux biss biex tesperjenza sit arkeoloġiku direttament iżda wkoll biex tirrifletti dwar l-importanza tal-ħarsien tal-wirt kulturali tagħna ta’ taħt l-ilma għall-ġenerazzjonijiet li ġejjin.

Il-postijiet huma limitati. Ibbukkja postok, tiddejjaqx tkun kurjuż, u ngħaqad magħna biex issir taf l-istejjer li hemm moħbija taħt il-baħar.

Tista’ taraha l-ankra? Ibbukkja postok hawn!