Bcthubs fil-Konferenza Internazzjonali “Widening the Big Blue Horizon”

Is-Sovrintendenza tal-Patrimonju Kulturali (SCH), sieħba ddedikata fil-proġett tal-BCThubs, kburija li ħadet rwol ewlieni fl-organizzazzjoni tal-ewwel Konferenza Internazzjonali, “Widening the Big Blue Horizon” li saret taħt l-awspiċi tal-Ministeru Elleniku tal-Kultura (Hellenic Ministry of Culture) mill-4-6 ta’ Diċembru, 2024, fid-Domotel Xenia Volos fil-Greċja. Dan l-avveniment storiku għaqqad esperti, riċerkaturi, u professjonisti ddedikati għall-promozzjoni u l-protezzjoni sostenibbli tal-Wirt Kulturali ta’ Taħt l-Ilma (Underwater Cultural Heritage).

Il-konferenza attirat aktar minn 360 parteċipant irreġistrat minn 39 pajjiż li attendew onlajn u personalment. Dan il-format ibridu pprovda pjattaforma flessibbli u inklużiva għall-interazzjoni globali, li trawwem djalogu sinifikanti, kondiviżjoni tal-għarfien, u kollaborazzjoni dwar teknoloġiji innovattivi u strateġiji responsabbli għall-ġestjoni tal-wirt.

Punti Ewlenin tal-Konferenza

Matul dawn it-tlett ijiem dinamiċi, il-konferenza inkludiet:

• 39 preżentazzjoni imqassma f’ħames sessjonijiet, li jkopru suġġetti diversi bħal proġetti ta’ involviment taċ-ċittadini, ippjanar spazjali marittimu (maritime spatial planning) effettiv, prattiki xjentifiċi avvanzati tal-għadis, u innovazzjonijiet teknoloġiċi radikali.
• Diskussjonijiet li esploraw l-isfidi u l-opportunitajiet li jinħolqu fl-isforzi sabiex jisguraw l-aċċessibilità, il-viżibilità, u l-preservazzjoni ta’ wirt kulturali ta’ taħt l-ilma madwar id-dinja.
• Wirja kontigwi ta’ Blue Culture Technology, li turi għodod, metodoloġiji, u applikazzjonijiet mill-aktar avvanzati biex tavvanza r-riċerka u l-involviment pubbliku fil-wirt kulturali.

Lil Hinn mis-Sessjonijiet

Dawk li attendew kellhom ħafna opportunitajiet biex jinnetwerkjaw u jiskambjaw ideat waqt il-waqfiet, filwaqt li l-avveniment ikkonkluda fuq nota għolja bi żjara ggwidata fil-Mużew Arkeoloġiku Athanasakio ta’ Volos. Din il-ħarġa offriet lill-parteċipanti apprezzament aktar profond tal-wirt kulturali għani tar-reġjun.

Katalizzatur għall-Progress Futur

L-ewwel Konferenza Internazzjonali tal-BCThubs “Widening the Big Blue Horizon” timmarka pass importanti fit-trawwim tal-kollaborazzjoni, l-innovazzjoni, u l-progress fil-ġestjoni tal-wirt kulturali ta’ taħt l-ilma. Filwaqt li jibni fuq is-suċċess ta’ dan l-avveniment, il-proġett BCThubs ikompli jixpruna sħubijiet interdixxiplinari, riċerka mill-aktar avvanzata, u strateġiji sostenibbli għall-preservazzjoni u ċ-ċelebrazzjoni tal-wirt kulturali kondiviż tagħna ta’ taħt il-baħar.